ထိုင်းနိုင်ငံမှာ Work permit သက်တမ်းကို Online မှသက်တမ်းတိုးနိုင်ပါပြီ

ထိုင်းနိုင်ငံမှာ နိုင်ငံခြားသားတစ်ဦး အနေဖြင့် မိမိ၏ Work Permit ကိုသက်တမ်းတိုးရန်အတွက် ရုံးကန္နား သွားစရာမလိုပဲ Online မှ အချိန်ကုန်သက်သာစေကာအလွယ်တကူ သက်တမ်းတိုးလို့ရနေပါပြီ 

ထိုင်း အလုပ်သမားဝန်ကြီးဌာနက E-Work Permit ဒစ်ဂျစ်တယ်စနစ်သို့ အပြည့်အဝ အသွင်ကူးပြောင်းရန် ရည်ရွယ်၍ "Outsourcing Service" အသစ်ကိုဇူလိုင်လ ၂ ရက်နေ့က စတင်မိတ်ဆက်ခဲ့ပါတယ်။

🔶Work Permit ကတ်ပြားများထုတ်လုပ်ခြင်း၊ 🔶လျှောက်လွှာတွေ လက်ခံခြင်းနဲ့ 

🔶နိုင်ငံခြားသားတွေရဲ့ အလုပ်လုပ်ကိုင်မှုဆိုင်ရာ အချက်အလက်တွေအား စီမံခန့်ခွဲခြင်း

စသည်တို့ကိုပုဂ္ဂလိကကုမ္ပဏီတွေသို့ ပြင်ပဝန်ဆောင်မှု (Outsource) ပေးအပ်ထားပြီး  "Outsourcing Service" ကို တစ်နိုင်ငံလုံးတွင် ဝန်ဆောင်မှုစင်တာ (Service Center) အခု ၄၀ ကျော် ဖွင့်လှစ်ထားပြီးဖြစ်ပါတယ်။ဝန်ဆောင်မူ့ မရောက်နိုင်တဲ့နေရာတွေကို (Mobile Units): ရွေ့လျားဝန်ဆောင်မှုယာဉ်တွေစီစဉ်ထားပါတယ်။ 

အားသာချက်အနေဖြင့် လုပ်ငန်းစဉ်အဆင့်ဆင့်ကို လျှော့ချနိုင်ပြီး ဒီဝန်ဆောင်မှုအသစ်ကြောင့် အလုပ်ရှင်တွေဟာ အစိုးရရုံးတွေသို့ သွားရောက်ရန်မလိုဘဲ အချိန်ကုန်သက်သာစွာဖြင့် မိမိတို့ရဲ့နိုင်ငံခြားသား ဝန်ထမ်းတွေအတွက် Work Permit တွေကို လျှောက်ထားခြင်း၊ သက်တမ်းတိုးခြင်းနဲ့ အချက်အလက်တွေ ပြင်ဆင်ခြင်းတို့ကို ဆောင်ရွက်

နိုင်ပါပြီ။

အလုပ်ရှင် နှင့် ကုမ္ပဏီမှကိုယ်စားလှယ်တစ်ဦးမှဆောင်ရွက်ပေးရန်လိုအပ်ပြီး ပြီးခဲ့တဲ့ရက်က Non-B အလုပ်ပါမစ်ကိုင်ဆောင်ထားသည့် မိတ်ဆွေတစ်ဦးမှာ ၄င်းရဲ့ Work Permit သက်တမ်းကို ၂ နှစ်အောင်

အောင်မြင်စွာသက်တမ်းတိုးနိုင်ခဲ့ပါတယ်။ 

သက်တမ်းတိုးခြင်းကိုတစ်နှစ်လျှင် ၃၀၀၀ ဘတ်ဖြင့် ၂ နှစ် စာဘတ် ၆၀၀၀ ကုန်ကျခဲ့ပြီး Department of Employment (DOE) ရဲ့ Website: `eworkpermit.doe.go.th` ဝက်ဘ်ဆိုက်ကနေ Online စနစ်နဲ့ လုပ်ဆောင်လို့ ရပါတယ်။

💢 လိုအပ်သောစာရွက်သာတမ်းများ 

Online ကနေ လျောက်လွှာတင်သွင်းတဲ့အခါအောက်ပါ စာရွက်စာတမ်းတွေကို Scan ဖတ်ပြီး PDF ဖိုင်အနေနဲ့ သိမ်းဆည်းပြင်ဆင်ထားဖို့ လိုပါတယ် -

🔶 သက်တမ်းကျန်သေးတဲ့ Passport (နိုင်ငံကူးလက်မှတ်) မိတ္တူ

🔶 Non-Immigrant Visa (အလုပ်လုပ်ကိုင်ခွင့် ဗီဇာ)

🔶 လက်ရှိ ကိုင်ဆောင်ထားတဲ့ Work Permit အဟောင်း

🔶 ဆေးစာ (Medical Certificate) - ဆေးရုံက ထုတ်ပေးတဲ့ သွေးစစ်ချက်နဲ့ ကျန်းမာရေး ထောက်ခံချက်

🔶 ဓာတ်ပုံ (၆ လအတွင်း ရိုက်ထားတဲ့ပုံ)

🔶 အလုပ်ရှင်ဘက်က စာရွက်စာတမ်းတွေ (ကုမ္ပဏီလိုင်စင်၊ မြေပုံ၊ စသည်)တို့ပဲဖြစ်ပါတယ်။ 

 ၃။ လျှောက်ထားပုံ အဆင့်ဆင့်

၁.Login ဝင်ရောက်ခြင်း - အလုပ်ရှင် ဒါမှမဟုတ် ကိုယ်စားလှယ်က e-Work Permit စနစ်ထဲကို ဝင်ရပါမယ်။ ( ဒါကသတိပြုရမဲ့အချက်ပါ )

၂. WP.5 Form ဖြည့်ခြင်း - သက်တမ်းတိုးဖို့အတွက် WP.5 (Tor Thor 5) ဖောင်ကို ရွေးချယ်ပြီး အချက်အလက်တွေ ဖြည့်စွက်ရပါမယ်။

၃. စာရွက်စာတမ်း တင်ခြင်း - အထက်မှာ ပြောခဲ့တဲ့ စာရွက်စာတမ်းတွေကို Upload တင်ပေးရပါမယ်။

၄. စောင့်ဆိုင်းခြင်း -တင်ပြီးတာနဲ့ အရာရှိတွေက စစ်ဆေးပါလိမ့်မယ်။ အချက်အလက် ပြည့်စုံရင် ၃ ရက်ခန့် ကြာတတ်ပါတယ်။ (အီးမေးလ် ဒါမှမဟုတ် ဖုန်းနဲ့ အကြောင်းပြန်ပါလိမ့်မယ်)

၅. ငွေသွင်းခြင်း - အတည်ပြုချက် ရပြီဆိုရင် သတ်မှတ်ထားတဲ့ အစိုးရကြေးကို ဘဏ် App (သို့) Counter Service တွေကနေ ပေးသွင်းရပါမယ်။

အပေါ်ကလုပ်ငန်းစဉ်တွေပြီးသွားလျင် Work Permit သက်တမ်း ၂ နှစ်စာငွေသွင်းပြီးလျင် Work permit အပြာရောင်စာအုပ်အစား Pind card ကိုပြောင်းလဲက်ုင်ဆောင်ရမှာဖြစ်ပြီး ဘန်ကောက်မှာဆိုလျှင်IT Square မှာ ၅ မိနစ်အတွင်းကဒ်မာထုတ်ယူနိုင်ပါတယ်။

"Digital Work Permit" ကိုလည်း မိမိဖုန်းထဲမှာ Application နဲ့ ဆောင်ထားလို့ ရသွားပါပြီ။ အရင်လို စာအုပ်အပြာ ကိုင်စရာ မလိုတော့ပါဘူး။

မှတ်ချက် 

🔶 အလုပ်ရှင် နဲ့ အလုပ်သမားအမျိုးအစား (MOU, BOI, သို့မဟုတ် သာမန်) အပေါ်မူတည်ပြီး လိုအပ်တဲ့ စာရွက်စာတမ်း အနည်းငယ် ကွဲပြားနိုင်ပါတယ်။

🔶 Visa သက်တမ်းမကုန်ခင် ကြိုတင်လုပ်ဆောင်ဖို့ အရေးကြီးပါတယ်။

Ref : Department of Employment , thaipost, thansettakij